«Մանչեսթեր Յունայթեդը» հետաքրքրված է «Պորտուի» կիսապաշտպան Մարկո Գրույիչով, հայտնում է Telegraf-ը։
Աղբյուրի համաձայն՝ անգլիական ակումբը ցանկանում է ամառային տրանսֆերային պատուհանի ժամանակ ձեռք բերել 26-ամյա սերբին։ Միաժամանակ, ենթադրվում է, որ ֆուտբոլիստը կարող է հրաժարվել տրանսֆերից, քանի որ նա խաղացել է «Մանչեսթեր Յունայթեդի» գլխավոր մրցակցի՝ «Լիվերպուլի» կազմում, բացի այդ, ֆուտբոլիստը մանկուց երկրպագել է մերսիսայդցիներին։
Բացի «Մանչեսթեր Յունայթեդից», Գրույիչին հավակնում է նաև «Միլանը»: Երկու ակումբներն արդեն կապի մեջ են եղել կիսապաշտպանի շրջապատի հետ՝ հնարավոր տրանսֆերի վերաբերյալ։
Ընթացիկ մրցաշրջանում Գրույիչը «Պորտուի» կազմում անցկացրած 30 խաղում դարձել է 1 գոլի և 1 գոլային փոխանցման հեղինակ։
