«Բարսելոնան» ցանկանում է թիմ վերադարձնել հարձակվող Լիոնել Մեսսիին, հայտնում է Mundo Deportivo-ն:

Աղբյուրի համաձայն՝ կատալոնացիներն ակնկալում են, որ 35-ամյա արգենտինացին չի երկարաձգի ՊՍԺ-ի հետ պայմանագիրը, որն ուժի մեջ է մինչև 2023 թվականի հունիսի վերջը։ «Բարսելոնան» պատրաստվում է Մեսսիին առաջարկել կրճատել աշխատավարձը, բայց միևնույն ժամանակ պատրաստ է նրան երաշխավորել ակումբի եկամտի որոշակի տոկոս՝ մրցաշարերում հաջող ելույթների դեպքում։

Մեսսին «Բարսելոնայի» սան է, նա ակումբի ակադեմիա է տեղափոխվել արգենտինական «Նյուելս Օլդ Բոյզից» 2000 թվականին։

Հարձակվողն իսպանական թիմում խաղացել է մինչև 2021 թվականի ամառը, որից հետո ազատ գործակալի կարգավիճակով տեղափոխվել է ՊՍԺ։