«Մանչեսթեր Յունայթեդի» գլխավոր մարզիչ Էրիկ տեն Հագը հույս ունի ուժեղացնել թիմը մինչև ձմեռային տրանսֆերային պատուհանի ավարտը։
«Իմ մոտեցումն այն է, որ մենք պետք է օգտագործենք բոլոր հնարավորությունները՝ ուժեղանալու համար, երբ ստեղծվի ճիշտ հնարավորություն: Ես շարունակում եմ որոնել, ուսումնասիրել շուկան և ունեմ գաղափարներ, թե ինչպես մենք կարող ենք ավելի լավը դառնալ», – մարզչի խոսքերը մեջբերում է Sky Sports-ը:
Այս պահին ձմեռային տրանսֆերային պատուհանի ժամանակ «կարմիր սատանաներին» են միացել միայն հարձակվող Ուութ Վեգորստը և դարպասապահ Ջեք Բաթլենդը. երկու ֆուտբոլիստներն էլ վարձավճարով են հանդես գալիս մինչև մրցաշրջանի ավարտը:
