Կատալոնական «Բարսելոնայի» լեհ հարձակվող Ռոբերտ Լևանդովսկին 2021 թվականին ցանկացել է տեղափոխվել Մադրիդի «Ռեալ», հայտնում է Relevo-ն:
Նա գործակալի միջոցով իր ծառայություններն է առաջարկել Իսպանիայի չեմպիոնին, սակայն ակումբի նախագահ Ֆլորենտինո Պերեսը հրաժարվել է գործարքից՝ հաշվի առնելով ֆուտբոլիստի տարիքն ու ֆրանսիացի հարձակվող Կարիմ Բենզեմայի մարզավիճակը:
Հիշեցնենք, որ Լեհաստանի ազգային հավաքականի ավագը Իսպանիայի փոխչեմպիոնի գույները պաշտպանում է 2022 թվականից և անցկացրած 21 խաղում խփել է 19 գոլ, կատարել 4 ասիստ:
Ռոբերտ Լևանդովսկիի պայմանագրի ժամկետն ավարտվում է 2026 թվականի հունիսի 30-ին:
