Լոնդոնի «Արսենալի» նորվեգացի կիսապաշտպան Մարտին Էդեգորը ճանաչվել է Անգլիայի Պրեմիեր Լիգայի՝ նոյեմբեր-դեկտեմբեր ամիսների լավագույն ֆուտբոլիստ, հայտնում է առաջնության պաշտոնական կայքը:
24-ամյա նորվեգացին առաջին անգամ է արժանանում ամսվա լավագույն ֆուտբոլիստի կոչմանը՝ առաջ անցնելով Էրլինգ Հոլանդից («Մանչեսթեր Սիթի»), Կազեմիրոյից («Մանչեսթեր Յունայթեդ»), Բեն Միից («Բրենթֆորդ»), Ժոաու Պալինյայից («Ֆուլհեմ»), Մարկուս Ռեշֆորդից («Մանչեսթեր Յունայթեդ»), Բուկայո Սակայից («Արսենալ») և Կիրան Տրիպյերից («Նյուքասլ»):
Էդեգորը նախորդ տարվա նոյեմբերի սկզբին և դեկտեմբերի վերջին միասին վերցրած մասնակցել էր չորս հանդիպման, դարձել երեք գոլի և նույնքան գոլային փոխանցման հեղինակ:
