Կատալոնական «Բարսելոնայի» ու Լեհաստանի ազգային հավաքականի հարձակվող Ռոբերտ Լևանդովսկին կստանա Գերդ Մյուլերի անվան մրցանակը, հայտնում է Mundo Deportivo-ն:
France Football-ն այս մրցանակը Գերդ Մյուլերի պատվին անվանակոչել է այս տարի: Մրցանակը շնորհվում է նախորդ մրցաշրջանի պաշտոնական խաղերում ակումբի և հավաքականի կազմում ամենաշատ գոլ խփած ֆուտբոլիստին:
Նախորդ մրցաշրջանում Լևանդովսկին Մյունխենի «Բավարիայի» և Լեհաստանի հավաքականի կազմում համատեղ խփել էր 57 գոլ:
Մրցանակի հանձնման արարողությունը կկայանա հոկտեմբերի 17-ին Փարիզում:
Ընթացիկ մրցաշրջանում 34-ամյա հարձակվողը մասնակցել է Իսպանիայի առաջնության 8 խաղի, խփել 9 գոլ, կատարել 2 գոլային փոխանցում:
