«Բարսելոնան» և «Ատլետիկոն» չեն կարողացել համաձայնության գալ հարձակվող Անտուան Գրիզմանի վաճառքի հարցում, հայտնում է Mundo Deportivo-ն։
Աղբյուրի համաձայն՝ կատալոնական ակումբը հերքում է, որ մոտ է համաձայնությանը՝ մադրիդցիների կողմից 31-ամյա ֆրանսիացու մարման դրույթը 40-ից 25 միլիոն եվրոյի նվազեցնելու վերաբերյալ։ Այս պահին «Ատլետիկոն» հարձակվողին խաղադաշտ է դուրս բերում 60-րդ րոպեից հետո, որպեսզի չգործի պայմանագրի գնման կետը։
Ավելի վաղ հայտնի էր դարձել, որ «Բարսան» մտադիր է դատի տալ «Ատլետիկոյին»։ Ակումբի ղեկավարությունը կարծում է, որ մադրիդցիները նպատակամղված սահմանափակում են ֆուտբոլիստի ժամանակը խաղադաշտում՝ բոնուսներ չվճարելու համար։
«Ատլետիկոյից» կպահանջվի գնել ֆուտբոլիստին 40 միլիոն եվրոյով, եթե նա երկու մրցաշրջանում անցկացրած խաղերի 50 տոկոսում խաղադաշտում անցկացնի առնվազն 45 րոպե:
