«Լիվերպուլի» գլխավոր մարզիչ Յուրգեն Կլոպը մեկնաբանել է իր թիմի վատ խաղը նոր մրցաշրջանում։ Հիշեցնենք, որ մերսիսայդցիներն Անգլիայի Պրեմիեր Լիգայի վեց հանդիպումներից միայն երկուսում են հաղթել:
Չեմպիոնների Լիգայի խմբային փուլի 1-ին տուրում թիմը ջախջախիչ պարտություն կրեց «Նապոլիից»՝ 1։4 հաշվով։
«Ես չէի ուզում հայտնվել այս իրավիճակում, բայց մենք դրա մեջ ենք: Նախկինում անհավանական բաներ են տեղի ունեցել, թիմը շատ հետևողական խաղ ցուցադրեց։ Ես չեմ կարդում, թե ինչ են գրում թերթերը մեր մասին։ Մենք պարզապես պետք է արձագանքենք վատ արդյունքներին»,- ասել է Կլոպը «Այաքսի» դեմ Չեմպիոնների Լիգայի խաղից առաջ կայացած մամուլի ասուլիսի ժամանակ։
