«Ատլետիկոյի» հարձակվող Անտուան Գրիզմանը մեկնաբանել է թիմում իր կարգավիճակը: Հիշեցնենք, որ մադրիդցիները չեն ցանկանում գնել ֆրանսիացու տրանսֆերը «Բարսելոնայից»: Որպեսզի տրանսֆերի գնման տարբերակը պարտադիր չդառնա, Գրիզմանը խաղադաշտ դուրս չի գալիս 60-րդ րոպեից առաջ։
«Ես հասկանում եմ, որ որոշ մարդիկ դժգոհ են «Ատլետիկոյում» իմ ներկայությունից: Այնուամենայնիվ, ես աշխատում եմ 10,000%-ով իրավիճակը շրջելու համար: Ես ուզում եմ այնպես անել, որպեսզի մարդիկ նորից սիրահարվեն ինձ»,- Գրիզմանի խոսքերն է մեջբերում Prime Video-ն։
Նոր մրցաշրջանում ֆրանսիացին բոլոր մրցաշարերում մասնակցած 6 խաղում խփել է 3 գոլ։ Այդ բոլոր հանդիպումներում հարձակվողը խաղադաշտ է մտել փոխարինումից։
