Կատալոնական «Բարսելոնան» երկարաձգել է պայմանագիրը կիսապաշտպան Աբդե Էզալզուլիի հետ և նրան վարձակալությամբ ուղարկել «Օսասունա», հայտնում է կատալոնական ակումբի պաշտոնական կայքը։
20-ամյա մարոկկացի վինգերի հետ նոր պայմանագիրը նախատեսված է մինչև 2026 թվականի հունիսը: Համաձայնագրով նախատեսված է 200 մլն եվրոյի չափով հրաժարագին։
Ֆուտբոլիստը «Օսասունայում» հանդես կգա մինչև 2023 թվականի հունիսի 30-ը։
Էզալզուլին «Բարսելոնա» է տեղափոխվել անցյալ տարվա ամռանը,ակումբի կազմում անցկացրել է 12 հանդիպում և դարձել մեկ գոլի հեղինակ։
