«Լեսթերի» պաշտպան Ուեսլի Ֆոֆանան հայտնել է ակումբին, որ ցանկանում է այս ամառ միանալ «Չելսիին»: Այս մասին հայտնում է The Guardian-ը։
Լոնդոնյան ակումբը ակտիվորեն փնտրում է մեկ այլ կենտրոնական պաշտպանի՝ Անտոնիո Ռյուդիգերի և Անդրեաս Քրիստենսենի հեռանալուց հետո:
Այնուամենայնիվ, «Չելսին» դեռևս համաձայնության չի եկել «Լեսթերի» հետ, որը ցանկանում է 21-ամյա ֆուտբոլիստի համար առնվազն 80 միլիոն ֆունտ ստեռլինգ ստանալ:
Պաշտպանի պայմանագիրը «Լեսթերի» հետ ավարտվում է 2027 թվականի ամռանը։ Անցած մրցաշրջանում Ֆոֆանան բոլոր մրցաշարերում 12 հանդիպում է անցկացրել «Աղվեսների» կազմում և դարձել մեկ գոլային փոխանցման հեղինակ:
