Դանիացի կիսապաշտպան Քրիստիան Էրիկսենը պատրաստվում է այս շաբաթ պաշտոնապես պայմանագիր կնքել «Մանչեսթեր Յունայթեդի» հետ:
Ինչպես հայտնում է Manchester Evening News-ը, 30-ամյա կիսապաշտպանը շուտով բուժզննում կանցնի։
Հիշեցնենք, որ Եվրո-2020-ի Դանիա – Ֆինլանդիա հանդիպման ժամանակ Էրիկսենը սրտի կաթված է ստացել, ուստի անգլիական ակումբը առավել ուշադիր կլինի այդ հարցում։
Սպասվում է, որ կողմերը պայմանագիր կկնքեն 3 տարով։ Այս դեպքում Էրիկսենը կդառնա «Մանչեսթեր Յունայթեդի» երկրորդ նորեկը «Ֆեյենորդի» պաշտպան Տայրել Մալասիայից հետո:
2022 թվականի հունվարից կիսապաշտպանը հանդես է գալիս «Բրենթֆորդում»՝ 10 խաղում դառնալով 1 գոլի և 3 գոլային փոխանցման հեղինակ։
Հուլիսի 1-ից դանիացին ազատ գործակալի կարգավիճակում է։
