«Բարսելոնայի» նախագահ Ժոան Լապորտան մեկնաբանել է հարձակվող Ուսման Դեմբելեի հետ պայմանագրի երկարաձգման հետ կապված իրավիճակը։
Հիշեցնենք, որ հունիսի 30-ին ավարտվել է ֆրանսիացու պայմանագիրը կատալոնական ակումբի հետ։ Կողմերը դեռ չեն կարողանում պայմանավորվել համաձայնագրի երկարաձգման շուրջ։
«Եթե Դեմբելեն ցանկանում է մնալ, ապա նա պետք է ընդունի մեր վերջնական առաջարկը, հակառակ դեպքում նա կլքի մեզ։
Մենք ցանկանում ենք, որ Ուսմանը շարունակի խաղալ «Բարսելոնայում», բայց հիմա ամեն ինչ կախված է նրանից։ Այս պահին նա չի ընդունել պայմանագիրը երկարաձգելու մեր առաջարկը»,- Լապորտայի խոսքերն է մեջբերում «Բարսելոնայի» պաշտոնական կայքը։
