«Լիվերպուլը» երկարաձգել է պայմանագիրը թիմի եգիպտացի հարձակվող Մոհամեդ Սալահի հետ՝ փաստում է ակումբի պաշտոնական կայքը:
Պայմանագրի ժամկետի վերաբերյալ տեղեկություններ դեռևս չկան:
Մերսիսայդյան ակումբում անցկացրած 5 մրցաշրջանների ընթացքում Մոհամեդը մասնակցել է 254 հանդիպման, խփել 156 գոլ:
«Հիանալի զգացողություններ ունեմ: Հրաշալի օր է բոլորիս համար: Ժամանակ պահանջվեց նոր պայմանագրի կնքման համար, բայց հիմա ամեն ինչ պատրաստ է:
Կարծում եմ՝ ակնհայտ է, որ վերջին 5-6 տարիներին թիմը աճ է գրանցում:
Կարծում եմ՝ հրաշալի մարզավիճակում ենք ու կարող ենք պայքարել՝ բոլոր տիտղոսները նվաճելու համար»,- ասել է Սալահը:
