Իտալիայի ֆուտբոլի ֆեդերացիան այսօր կայացած նիստի ընթացքում որոշել է 2022/23 մրցաշրջանից սկսած փոխել Ա Սերիայի կանոնակարգը և անցկացնել «Ոսկե խաղ»՝ հայտնում է Football Italia-ն։
«Ոսկե խաղի» անցկացումը հնարավոր կլինի, եթե վերջին տուրից հետո առաջին տեղը հավասար միավորներով կիսեն 2 թիմ։
Եթե «Ոսկե խաղն» ավարտվի ոչ-ոքի, ապա հիմնական ժամանակից հետո անմիջապես կնշանակվի 11-մետրանոց հարվածաշար: Այս սկզբունքը կգործի միայն չեմպիոնության համար պայքարում:
