«Բարսելոնայի» հարձակվող Անտուան Գրիզմանը չի պատրաստվում տեղափոխվել Բիլբաոյի «Ատլետիկ»:
Հարձակվողը նման տարբերակ չի դիտարկում, գրում է ինսայդեր Ֆաբրիցիո Ռոմանոն։
Ավելի վաղ հայտնի էր դարձել, որ հունիսի 24-ին Բիլբաոյի «Ատլետիկում» տեղի են ունենալու նախագահական ընտրություններ։
Եթե նախագահի թեկնածու Ինյակի Արեչաբալետան դառնա հաղթող, ակումբը կարող է պայմանագիր կնքել Անտուան Գրիզմանի հետ։
Անցած 2021/22 մրցաշրջանում Գրիզմանը վարձավճարով պաշտպանում էր Մադրիդի «Ատլետիկոյի» գույները, նրա տրանսֆերային իրավունքները պատկանում են «Բարսելոնային»։
