«Արսենալը» ձեռք կբերի «Պորտուի» կիսապաշտպան Ֆաբիո Վիեյրային, հայտնում է լրագրող Պեդրո Սեպուլվեդան իր Twitter-ում։
Աղբյուրի համաձայն՝ «զինագործները» կվճարեն 40 միլիոն եվրո գումար, որը 22-ամյա պորտուգալացուն թույլ կտա խզել պայմանագիրը ներկայիս ակումբի հետ։
Առաջիկա մի քանի ժամվա ընթացքում ֆուտբոլիստը կուղևորվի Լոնդոն՝ ստորագրելու պայմանագիրը։
Նախորդ մրցաշրջանում կիսապաշտպանը անցկացրել է 39 հանդիպում, դարձել 7 գոլի և 16 գոլային փոխանցման հեղինակ։
