«Արսենալի» գլխավոր մարզիչ Միկել Արտետան դժգոհ է ակումբի ղեկավարությունից, որը ձգձգում է ակումբում կատարվող տրանսֆերային գործարքները և ցանկանում է անձամբ վերահսկել յուրաքանչյուր գործարք։ Մասնագետն անհանգստացած է, որ դրա պատճառով «զինագործները» կարող են բաց թողնել «Մանչեսթեր Սիթիի» հարձակվող Գաբրիել Ժեզուսին ձեռք բերելու հնարավորությունը, հայտնում է Daily Mail-ը։
Ըստ աղբյուրի՝ իսպանացուն նյարդայնացնում է տրանսֆերային հարցերում ղեկավարների դրսևորած դանդաղկոտությունը։ Արտետան ցանկանում է որքան հնարավոր է շուտ նոր հարձակվող ձեռք բերել. Այնուամենայնիվ, «Արսենալում» ցանկացած խոշոր տեղափոխություն պահանջում է ամերիկացի սեփականատերերի հավանությունը:
