Ֆրանսիայի նախագահ Էմանուել Մակրոնը ցանկանում է, որպեսզի Զինեդին Զիդանը գլխավորի ֆրանսիական ակումբներից մեկը։
«Ես չեմ խոսել Զիդանի հետ, բայց անսահման հիանում եմ նրանով որպես ֆուտբոլիստի և մարզչի։ Մենք շատ ենք ցանկանում, որ Ֆրանսիայի առաջնությունն ունենա նման տաղանդով մարզիկ և մարզիչ, ով կարողացավ 3 անգամ նվաճել Եվրոպայի գլխավոր գավաթը, որը մեր ակումբներն այդքան ցանկանում են հաղթել:
Հանուն Ֆրանսիայի առաջնության և ամբողջ երկրի վրա ազդեցության՝ ցանկանում եմ, որպեսզի նա վերադառնա և գա ֆրանսիական մեծ ակումբ մարզելու։ Հիանալի կլիներ։ Մեզ համար կարևոր է, որպեսզի լավագույնները, ում մենք մարզել ենք, ովքեր փայլել են միջազգային մակարդակով, կարողանան վերադառնալ»,- Մակրոնի խոսքերն է մեջբերում RMC Sport-ը։
Ավելի վաղ մամուլում տեղեկություններ էին շրջանառվում, որ ՊՍԺ-ի նոր մարզչի պաշտոնի գլխավոր հավակնորդը Զիդանն է։
