Հայտնի են դարձել PFA-ի վարկածով տարվա լավագույն ֆուտբոլիստի կոչման հավակնորդները: Այն ամենամյա մրցանակ է, որը տրվում է անգլիական ֆուտբոլի մրցաշրջանի լավագույն ֆուտբոլիստին։ Հաղթողը որոշվում է Անգլիայի Ֆուտբոլիստների Միության՝ PFA-ի անդամների քվեարկության արդյունքներով։
Մրցանակի համար կպայքարեն «Թոթենհեմի» հարձակվող Հարի Քեյնը, «Լիվերպուլի» հարձակվող Մոհամեդ Սալահը, «Մանչեսթեր Սիթիի» կիսապաշտպան Կևին դե Բրույնեն, «Լիվերպուլի» հարձակվող Սադիո Մանեն, «Մանչեսթեր Յունայթեդի» հարձակվող Կրիշտիանու Ռոնալդուն և «Լիվերպուլի» պաշտպան Վիրջիլ Վան Դեյքը։
Վերջին երկու մրցաշրջաններում մրցանակը բաժին է հասել Դե Բրույնեին։
