«Բավարիայի» հարձակվող Ռոբերտ Լևանդովսկին հայտնել է, որ կցանկանար կարիերան շարունակել Իսպանիայում։
«Իսպանիան հիանալի է: Մենք տուն ունենք Մալյորկայում։ Կարծում եմ, որ սա իսկապես լավ վայր է, ոչ միայն հանգստանալու համար»,- 33-ամյա հարձակվողի խոսքերն է մեջբերում Sport1-ը։
Հիշեցնենք, որ Լեհաստանի հավաքականի ֆուտբոլիստն ավելի վաղ ցանկություն էր հայտնել հեռանալ «Բավարիայից»:
2021/22 մրցաշրջանում Լևանդովսկին մյունխենցիների կազմում անցկացրած 47 խաղում խփել է 50 գոլ և կատարել 7 գոլային փոխանցում բոլոր մրցաշարերում։
