Մադրիդի «Ռեալը» հետաքրքրված է «Մոնակոյի» կիսապաշտպան Աուրելիեն Տչուամենիի ծառայություններով, հայտնում է լրագրող Ջանլուկա Դի Մարցիոն։
Աղբյուրի տեղեկություններով՝ մադրիդյան ակումբը 22-ամյա ֆրանսիացու համար «Մոնակոյին» առաջարկել է 70 միլիոն եվրո։
Նշվում է, որ «մոնեգասկները» կիսապաշտպանի համար պահանջում են 80 մլն եվրո, և սպասում են ակումբի բարելավված առաջարկին։
Ավելի վաղ հաղորդվում էր, որ Տչուամենին հինգ տարվա պայմանագիր է համաձայնեցրել Մադրիդի «Ռեալի» հետ։
2021/22 մրցաշրջանում ֆուտբոլիստը «Մոնակոյի» կազմում անցկացրած 50 խաղում խփել է 5 գոլ և կատարել երեք արդյունավետ փոխանցում։
Կիսապաշտպանի պայմանագիրն ակումբի հետ նախատեսված է մինչև 2024 թվականի հունիսի 30-ը։
