Superdeporte-ի իսպանական հրատարակությունը հրապարակել է ձայնագրություններ, որտեղ «Վալենսիայի» նախագահը սպառնում է թիմի կիսապաշտպան Կառլոս Սոլերին, ով ցանկանում էր հեռանալ թիմից ձմեռային տրանսֆերային պատուհանի ժամանակ:
«Կառլոսը հիմա էլ չի թաքցնում, որ ցանկանում է հեռանալ, և նրա որոշումը պետք է հարգել։ Նա ընտանիք ունի, ցանկանում է հեռանալ՝ չխաթարելով իր հարաբերությունները ակումբի հետ,
Ես նրան ասել եմ՝ եթե նա անվճար հեռանա, ես նրան կոչնչացնեմ մամուլում։ Ես 100 հազար եվրո կծախսեմ նրան սպանելու համար, քանի որ ֆուտբոլիստները պետք է եկամուտ բերեն մեզ»,- ասել է նախագահը հրապարակված ձայնագրություններում:
Սոլերի պայմանագիրը «Վալենսիայի» հետ նախատեսված է մինչև 2023 թվականի ամառ։