«Մանչեսթեր Յունայթեդի» նախկին պաշտպան Ռիո Ֆերդինանդը խոսել է այն մասին, որ «կարմիր սատանաների» հարձակվող Կրիշտիանու Ռոնալդուն չի հայտնվել ԱՊԼ-ի՝ լավագույն ֆուտբոլիստի կոչման հավակնորդների թվում:
«Բուկայո Սական ընդգրկվա՞ծ է տարվա լավագույն ֆուտբոլիստի կոչման հավակնորդների ցանկում: Ես նրան այնտեղ չէի ներառի, թեկուզև նա լավ է խաղացել։
Ես նրան Ռոնալդուից վեր չէի դասի, ոչ այս մրցաշրջանում: Ռոնալդուն պետք է առաջ լիներ 3-4 հավակնորդներից: Երեւի չէր հաղթի, բայց չընդգրկվելը պարզապես ծիծաղելի է։
Նա դա կընկալի որպես անհարգալից վերաբերմունք, բայց դա է նրա մոտիվացիան, Կրիշտիանուն կմտածի, թե «Ինչպե՞ս եք համարձակվել»»,- ասել է Ֆերդինանդը:
