«Մանչեսթեր Յունայթեդի» կիսապաշտպան Պոլ Պոգբան կարող է կարիերան շարունակել ՊՍԺ-ում։
29-ամյա ֆրանսիացին գրեթե համաձայնեցրել է պայմանագրի կետերը փարիզյան ակումբի հետ, հայտնում է լրագրող Մարկ Կոնտեյրոն։
Ավելի վաղ ֆուտբոլիստի նկատմամբ հետաքրքրության մասին տեղեկություններ կային «Յուվենտուսի» և «Մանչեսթեր Սիթիի» կողմից։
Ընթացիկ մրցաշրջանում Պոգբան բոլոր մրցաշարերում «Մանչեսթեր Յունայթեդի» կազմում անցկացրած 27 խաղում դարձել է մեկ գոլի և 9 գոլային փոխանցման հեղինակ:
Կիսապաշտպանի պայմանագիրն անգլիական ակումբի հետ նախատեսված է մինչև 2022 թվականի հունիսի 30-ը։ Պոգբան արդեն որոշել է հեռանալ անգլիական թիմից։
