ՊՍԺ-ի և Արգենտինայի հավաքականի եզրային կիսապաշտպան Անխել դի Մարիան խոսել է ապագայի իր ծրագրերի մասին.
«Ես նախատեսում եմ ևս մեկ տարի մնալ Եվրոպայում, որպեսզի ավելի լավ մարզավիճակով մեկնեմ Աշխարհի առաջնությանը, եթե ինձ հրավիրեն ազգային հավաքական, իսկ հետո կվերադառնամ Արգենտինա:
Չգիտեմ, արդյոք ՊՍԺ-ն ցանկանում է, որ ես մնամ. Եթե ոչ, ապա ես կդիտարկեմ այլ տարբերակներ Եվրոպայում»,- ասել է Դի Մարիան Todo Pasa-ին:
Դի Մարիայի պայմանագիրը ՊՍԺ-ի հետ ավարտվում է այս ամառ։
Ընթացիկ մրցաշրջանում Դի Մարիան փարիզյան ակումբի կազմում անցկացրել է 29 հանդիպում բոլոր մրցաշարերում՝ դառնալով 3 գոլի և 8 գոլային փոխանցման հեղինակ։
