«Ֆուլհեմը» հետաքրքրված է «Մանչեսթեր Յունայթեդի» կիսապաշտպան Ջեսի Լինգարդով, հայտնում է լրագրող Ռուդի Գալետին։
Անգլիական ակումբը, որը հաջորդ մրցաշրջանում կվերադառնա Պրեմիեր Լիգա, ցանկանում է ձեռք բերել 29-ամյա ֆուտբոլիստին:
Ավելի վաղ հաղորդվում էր, որ Լինգարդի համար պայքարում առաջատար են «Միլանը» և «Յուվենտուսը»:
Ընթացիկ մրցաշրջանում Լինգարդը բոլոր մրցաշարերում «Մանչեսթեր Յունայթեդի» կազմում անցկացրած 22 խաղում դարձել է երկու գոլի և մեկ գոլային փոխանցման հեղինակ։ Կիսապաշտպանն ամռանը կդառնա ազատ գործակալ։
