«Յուվենտուսի» հարձակվող Պաուլո Դիբալան կարող է կարիերան շարունակել «Ինտերում», հայտնում է La Gazzetta dello Sport-ը։
Աղբյուրի համաձայն՝ 28-ամյա արգենտինացին համաձայնվել է միլանյան ակումբ տեղափոխվել այս ամառ։ Հաղորդվում է, որ Դիբալան 4 տարվա պայմանագիր կկնքի 6 միլիոն եվրո աշխատավարձով։
Այս մրցաշրջանում Դիբալան անցկացրել է 34 հանդիպում, որոնցում դարձել է 14 գոլի և 6 գոլային փոխանցման հեղինակ։ Portal Transfermarkt-ը ֆուտբոլիստի արժեքը գնահատում է 40 միլիոն եվրո: