«Լիվերպուլի» հարձակվող Մոհամեդ Սալահը մեկնաբանել է Չեմպիոնների Լիգայի կիսաեզրափակչի պատասխան խաղում «Վիլյառեալի» նկատմամբ տարած հաղթանակը և իր թիմի՝ մրցաշարի եզրափակիչ դուրս գալը։
«Հրաշալի է, որ մենք նորից դուրս եկանք եզրափակիչ: Հինգ տարվա ընթացքում երեք եզրափակիչը անհավանական ձեռքբերում է: Այս շաբաթվա վերջին կարևոր խաղ ունենք։ Վաղը նոր օր է լինելու, և ամեն ինչ կսկսվի զրոյից։ Եկեք այսօր տոնենք: Վաղը կսկսենք նախապատրաստվել հաջորդ հանդիպումներին։
Առաջին խաղակեսում դժվար էր, բայց մենք բնավորություն և անհատական որակներ ցույց տվեցիք։ Մենք բարձրակարգ թիմ ենք, որը խաղում է բարձր մակարդակով, այնպես որ կարող ենք պատասխան հարված հասցնել առաջին խաղակեսը ձախողելուց հետո:
Եզրափակչում ցանկանում եմ խաղալ «Ռեալի» հետ,- Սալահի խոսքերն է մեջբերում BT Sport-ը։
