Մադրիդի «Ռեալի» հարձակվող Կարիմ Բենզեման կրկնել է «սերուցքայինների» մեքսիկացի նախկին հարձակվող Ուգո Սանչեսի՝ մեկ մրցաշրջանում գոլերի թվով ռեկորդը, տեղեկացնում է Opta վիճակագրական ծառայությունը:
Ընթացիկ մրցաշրջանում ֆրանսիացի ֆուտբոլիստը «Ռեալի» կազմում 40 գոլ է խփել բոլոր մրցաշարերում, ինչը նրան դարձրել է «արքայական» ակումբի պատմության 5-րդ ֆուտբոլիստը, ով երբևէ հասել է այդ նվաճմանը: Բենզեմայից բացի՝ այս ցանկում ընդգրկված են ակումբի նախկին ֆուտբոլիստներ Կրիշտիանու Ռոնալդուն, Ալֆրեդո Դի Ստեֆանոն, Ֆերենց Պուշկաշը և Ուգո Սանչեսը, ով ևս 40 գոլ է խփել 1989/1990 մրցաշրջանում։
Քանի որ «Ռեալը» դեռ մի քանի խաղ ունի անցկացնելու այս մրցաշրջանում, Կարիմ Բենզեման հնարավորություն ունի շրջանցել Ուգո Սանչեսին:
