«Արսենալի» գլխավոր մարզիչ Միկել Արտետան խոսել է ամառային տրանսֆերային պատուհանի ժամանակ թիմն ուժեղացնելու ծրագրերի մասին։
«Մենք ցանկանում ենք բարելավել մեր կազմը, ուժեղացնել մեկնարկային կազմը: Մենք ցանկանում ենք, որ մեր ֆուտբոլիստները կարողանան էլ ավելի լավ ցույց տալ իրենց ուժեղ կողմերը:
Ամառային տրանսֆերները կախված են տարբեր գործոններից։ Ամեն ինչ կախված է նրանից, թե քանի ֆուտբոլիստ կվերադառնա վարձակալությունից, նրանից, թե ակումբն ինչպես է ընկալում ինչ-որ մեկին գնելու կամ վաճառելու մեր ցանկությունը։ Շատ հարցեր են մնում, բայց սա ֆուտբոլ է։ Մենք շատ բանի միջով ենք անցել վերջին երկու տարում և կփորձենք անել այն, ինչ կարող ենք հաջորդ մրցաշրջանում»,- ասել է մասնագետը:
