«Չելսիի» պաշտպան Մարկոս ​​Ալոնսոն մոտ է «Բարսելոնա» տեղափոխվելուն: Այս մասին հաղորդում է լրագրող Ֆաբրիցիո Ռոմանոն։

Աղբյուրի համաձայն՝ 31-ամյա ֆուտբոլիստը հարգում է իր ներկայիս ակումբին, սակայն նրա առաջնահերթությունն ամառային տրանսֆերային պատուհանի ժամանակ հայրենիք վերադառնալն է։

Ավելի վաղ հաղորդվում էր, որ իսպանացու ծառայություններով հետաքրքրված է «Բարսելոնան»: Կատալոնական ակումբն արդեն բանակցություններ է սկսել «Չելսիի» հետ՝ հնարավոր տրանսֆերի արժեքը պարզելու համար։

​​Ալոնսոն Մադրիդի «Ռեալի» սան է։ Պաշտպանը «Չելսիում» հանդես է գալիս 2016 թվականի օգոստոսից։