«Վիլյառեալի» պաշտպան Պաու Տոռեսը մեկնաբանել է Չեմպիոնների Լիգայի կիսաեզրափակիչ առաջին խաղում «Լիվերպուլից» կրած պարտությունը (0:2):
«Տպավորություն է, որ մենք պատժվել ենք միայն մեր սխալների համար: Առաջին խաղակեսում մենք լավ գործեցինք, իսկ երկրորդում մի փոքր դանդաղեցրինք հարձակման գծում: Մեր ծրագիրը փոքր-ինչ նման էր մյունխենյանին՝ մնալ հարմարավետության գոտում, դիմակայել հակառակորդի գրոհին։ Մենք իսկապես պատժվեցինք մեր սխալների համար։
Մենք տուն ենք գալիս երկու գոլով, բայց մնում ենք վստահ: Եթե հաջորդ շաբաթ գոլ խփենք առաջին 10 րոպեների ընթացքում, մենք կվերադառնանք խաղ: Այս կիսաեզրափակչում դեռ շատ ֆուտբոլ կլինի»,- Տոռեսի խոսքերն է մեջբերում ՈւԵՖԱ-ի մամուլի ծառայությունը։
Պատասխան հանդիպումը կկայանա մայիսի 3-ին։ Մեկնարկը՝ Երևանի ժամանակով 23:00-ին։
