«Բարսելոնայի» գլխավոր մարզիչ Չավին Լա Լիգայի վերջին տուրում «Կադիսից» կրած պարտությունից (0:1) հետո խոսել է կատալոնական ակումբի նպատակների մասին մրցաշրջանի մնացած հատվածում։
«Պետք է առերեսվել ճշմարտության հետ, բայց մենք չենք պատրաստվում դավաճանել այն, ինչին հավատում ենք։ Մենք շարունակելու ենք հավատալ ինքներս մեզ։ Մենք հաղթեցինք Իսպանիայի մեծ ակումբներին՝ «Ատլետիկոյին», «Ռեալին», «Սևիլիային»: Պետք է շարունակենք նույն կերպով: Ես դեռ հավատում եմ լավագույնին, մենք պետք է շարունակենք առաջ շարժվել:
Իրավիճակն այնպիսին է, որ այս պահին մենք չենք պայքարում տիտղոսներից և ոչ մեկի համար։ Մենք պետք է ավելի համեստ լինենք, քան երբևէ և գիտակցենք, որ մեր նպատակը 2-րդ հորիզոնականն է»,- կատալան մարզչի խոսքերն է մեջբերում Fcbarcelonanoticias.com-ը:
