Մադրիդի «Ռեալը» իր պաշտոնական կայքում ցավակցություն է հայտնել «Մանչեսթեր Յունայթեդի» հարձակվող Կրիշտիանու Ռոնալդուին նորածին որդու մահվան կապակցությամբ։
Մադրիդի «Ռեալը», նրա նախագահը և տնօրենների խորհուրդը խորապես վշտացած են երեխաներից մեկի մահվան կապակցությամբ, որին սպասում էին մեր սիրելի Կրիշտիանու Ռոնալդուն և Ջորջինա Ռոդրիգեսը։
«Ռեալը» կիսում է ողջ ընտանիքի ցավը և իր զորակցությունը հայտնում ընտանիքին»,- ասվում է մադրիդյան ակումբի հայտարարության մեջ։
Ռոնալդուն «Ռեալում» հանդես է եկել 2009-ից 2018 թվականներին։ Նա մադրիդյան ակումբի պատմության լավագույն ռմբարկուն է՝ 438 խաղում խփած 450 գոլով։
