«Միլանի» նախկին գլխավոր մարզիչ Արիգո Սակին մեկնաբանել է Իտալիայի գավաթի 1/2 եզրափակչի միլանյան դերբին։ 2 հանդիպման արդյունքով «Ինտերը» հաղթեց 3։0 հաշվով։
«Որակի և փորձի առումով «Միլանն» ու «Ինտերը» չեն կարող համեմատվել: «Ինտերը» բարձրակարգ թիմ է և «Միլանից» ավելի մոտ է Եվրոպայում բարձր խաղամակարդակին հասնելուն՝ նաև շնորհիվ իրենց ներդրումների: Այնուամենայնիվ, նրանք դեռ պետք է կատարելագործվեն որպես թիմ: Հարձակվողները պետք է օգնեն պաշտպաններին, իսկ պաշտպանները՝ հարձակմանը, սա ցանկալի նպատակներին հասնելու միակ ճանապարհն է»,- Սակիի խոսքերն է մեջբերում La Gazzetta dello Sport-ը։
Մրցաշարի եզրափակչում «Ինտերը» կխաղա «Ֆիորենտինա» – «Յուվենտուս» զույգի հաղթողի հետ։
