Մադրիդի «Ռեալին» 7 միավոր է մնացել վաստակել, որպեսզի ապահովի Իսպանիայի չեմպիոնի տիտղոսը։
Նախօրեին մադրիդյան ակումբի առաջիկա հետապնդող «Բարսելոնան» սեփական հարկի տակ պարտվեց «Կադիսին» (0:1) և 32 տուրից հետո 15 միավորով զիջում է «սերուցքայիններին»՝ անցկացնելով մեկ խաղ պակաս:
Լա Լիգայում հաղթանակը մաթեմատիկորեն ապահովելու համար «Ռեալին» բավական է 7 միավոր վաստակել վերջին 6 խաղում։
Եթե դա տեղի ունենա, ապա «արքայական» ակումբի գլխավոր մարզիչ Կառլո Անչելոտտին կդառնա առաջին մարզիչը, ով հաղթել է եվրոպական թոփ-5 առաջնություններից բոլորում:
