«Բավարիայի» նախագահ Օլիվեր Կանը հաստատել է մյունխենյան ակումբի և հարձակվող Սերժ Գնաբրիի միջև բանակցությունները: Հիշեցնենք, որ կողմերի միջև գործող պայմանագիրը լրանում է մինչև 2023 թվականի ամռանը։
«Ակումբն իսկապես բանակցություններ է վարում Գնաբրիի հետ պայմանագիրը երկարաձգելու շուրջ: Նա գիտի, թե մենք ինչ ենք ուզում իրենից: Այս պահին Գնաբրին մտորումների փուլում է:
Հենց իրավիճակը հարթվի, մենք կհայտարարենք այդ մասին»,- Կանի խոսքերն է մեջբերում sport1-ը:
Ավելի վաղ հաղորդվում էր, որ գերմանացի ֆուտբոլիստի տրանսֆերով հետաքրքրված են Մադրիդի «Ռեալն» ու «Լիվերպուլը»։
