Մադրիդի «Ռեալի» կիսապաշտպան Կազեմիրոն Չեմպիոնների Լիգայի 1/4 եզրափակչի՝ «Չելսիի» դեմ պատասխան խաղից առաջ կիսվել է թիմակցի՝ Կարիմ Բենզեմայի մասին իր կարծիքով։
«Միակ բանը, որ փոխվել է, նրա խփած գոլերի քանակն է: Մնացած ամեն ինչ մնում է նույնը։ Մենք ամեն օր տեսնում ենք այն ամենը, ինչ նա անում է։ Նա այս ակումբի պատմության մի մասն է։ Բենզեմայի հետ խաղալը մեծ պատիվ է մեզ համար։ Այժմ նա այս ակումբի ամենակարևոր ֆուտբոլիստն է»,- բրազիլացու խոսքերն է մեջբերում ՈւԵՖԱ-ի պաշտոնական կայքը։
Ընթացիկ մրցաշրջանում 34-ամյա ֆրանսիացին «Ռեալի» կազմում բոլոր մրցաշարերում անցկացրել է 37 հանդիպում՝ դառնալով 37 գոլի և 13 գոլային փոխանցման հեղինակ:
