Մադրիդի «Ատլետիկոն» հետաքրքրված է «Բետիսի» կիսապաշտպան Գվիդո Ռոդրիգեսի տեղափոխությամբ, հայտնում է Estadio Deportivo-ն։
Աղբյուրի տեղեկություններով՝ 28-ամյա ֆուտբոլիստը հայտնվել է մադրիդյան ակումբի գլխավոր մարզիչ Դիեգո Սիմեոնեի թիրախում։ «Բետիսը» պատրաստ է բաժանվել արգենտինացի կիսապաշտպանից, եթե 30 միլիոն եվրո չափով առաջարկ ստանա:
2021/22 մրցաշրջանում Ռոդրիգեսը բոլոր մրցաշարերում միասին մասնակցած 40 խաղում դարձել է 2 գոլի և 3 գոլային փոխանցման հեղինակ։ Transfermarkt.com պորտալը նրա տրանսֆերային արժեքը գնահատում է 25 միլիոն եվրո:
