Մադրիդի «Ռեալի» գլխավոր մարզիչ Կառլո Անչելոտտին խոստովանել է, որ իր թիմը մեծ կախվածություն ունի հարձակվող Կարիմ Բենզեմայից, ով Չեմպիոնների Լիգայի վերջին երկու խաղում 2 հեթ-տրիկի հեղինակ է դարձել։
«Մենք կախված ենք Բենզեմայից: Այդպես էլ կա, մենք չենք պատրաստվում հերքել դա։ Եվ ես շատ ուրախ եմ, որ մենք կախված ենք Կարիմից։ Դա իրականություն է և լավ է:
Կարիմը ժամանակակից հարձակվող է և անում է այն, ինչ պահանջվում է հարձակվողներից։ Ամեն ինչ, ներառյալ պաշտպանական աշխատանքը: Նա կատարյալ մարմնավորում է այն, թե ինչպիսին պետք է լինի կենտրոնական հարձակվողը ժամանակակից ֆուտբոլում»,- ասել է Անչելոտտին ՉԼ-ի քառորդ եզրափակչի՝ «Չելսիի» դեմ պատասխան խաղից առաջ կայացած մամուլի ասուլիսի ժամանակ։
