«Մանչեսթեր Յունայթեդի» հարձակվող Կրիշտիանու Ռոնալդուն ԱՊԼ-ի 32-րդ տուրի խաղում «Էվերթոնից» կրած պարտությունից (0:1) հետո կոտրել է երկրպագուի հեռախոսը։
Եզրափակիչ սուլիչից հետո «կարմիր սատանաները» ուղևորվել են դեպի հանդերձարան։ Ռոնալդուն խաղադաշտից հեռանալուց առաջ ջարդել է երկրպագուներից մեկի հեռախոսը՝ այն գցելով նրա ձեռքից։ Միջադեպի տեսանյութը հրապարակել է EvertonHub-ը թվիթերում։
Ավելի ուշ տեղեկություններ հայտնվեցին, որ ակումբն արդեն տեղյակ է Ռոնալդուի և երկրպագուի միջև տեղի ունեցած միջադեպի մասին։ Լրագրող Լիլ Թոմասը հայտնել է, որ «Մանչեսթեր Յունայթեդը» սկսել է հետաքննել տեղի ունեցածը:
