«Մանչեսթեր Յունայթեդը» հետաքրքրված է «Լայպցիգի» կիսապաշտպան Կոնրադ Լայմերի ծառայություններով, հայտնում է Bild-ը։
Աղբյուրի փոխանցմամբ՝ անգլիական ակումբը դիտարկում է ամառային տրանսֆերային պատուհանի ընթացքում 24-ամյա խաղացողի տրանսֆերը գնելու հնարավորությունը։ Այս գործարքով անձամբ հետաքրքրված է «կարմիր սատանաների» ներկայիս գլխավոր մարզիչ Ռալֆ Ռանգնիկը։
2021/22 մրցաշրջանում Լայմերը «Լայպցիգի» կազմում անցկացրած 31 խաղում դարձել է 5 գոլի և 4 գոլային փոխանցման հեղինակ։ Transfermarkt.com պորտալն ավստրիացու տրանսֆերային արժեքը գնահատում է 26 միլիոն եվրո:
