«Լիվերպուլի» կիսապաշտպան Ֆաբինյոն խոսել է այն մասին, թե ինչպես է կարողացել ադապտացվել անգլիական ակումբում: Բրազիլացի ֆուտբոլիստը մերսիսայդցիներին է միացել 2018 թվականին՝ «Մոնակոյից»:
«Միշտ դժվար է, երբ դու գալիս ես այլ լիգայից: Իմ տեղափոխությունից առաջ մրցաշրջանում «Լիվերպուլը» հասել էր Չեմպիոնների Լիգայի եզրափակիչ և Պրեմիեր Լիգայում եզրափակեց լավագույն քառյակում: Այն ժամանակ մեկնարկային կազմն իրեն լավ դրսևորեց և կայուն հանդես եկավ, ուստի դժվար էր հասնել հիմնական կազմին: Սակայն ժամանակի ընթացքում ես ապացուցեցի, որ արժանի եմ խաղադաշտում տեղ զբաղեցնելուն և կարողացա ամրապնդվել»,- Ֆաբինյոյի խոսքերն է մեջբերում ՈւԵՖԱ-ի պաշտոնական կայքը:
