«Մանչեսթեր Յունայթեդը» դիտարկում է «Բենֆիկայի» հարձակվող Դարվին Նունյեսին ձեռք բերելու հնարավորությունը:
Ըստ The Telegraph-ի՝ գործարքը հաջողությամբ ավարտելու «կարմիր սատանաների» շանսերը կախված կլինեն այն բանից, թե արդյոք թիմը մրցաշրջանի արդյունքներով կհայտնվի Չեմպիոնների Լիգայում: Ուրուգվայցի ֆուտբոլիստի տրանսֆերով հետաքրքրված են նաև «Արսենալը» և «Մանչեսթեր Սիթին», թեև այժմ «քաղաքայինների» համար առաջնային է Դորտմունդի «Բորուսիայի» հարձակվող Էրլինգ Հոլանդի տեղափոխությունը:
Աղբյուրի տեղեկություններով՝ «Բենֆիկան» Նունյեսի համար ցանկանում է ստանալ շուրջ 70 միլիոն եվրո։ Պորտուգալական ակումբը ծրագրում է մինչև մրցաշրջանի ավարտը փակել հարձակվողի տեղափոխության հետ կապված հարցերը։
Ընթացիկ մրցաշրջանում 22-ամյա ռմբարկուն «Բենֆիկայի» կազմում անցկացրած 33 խաղում դարձել է 26 գոլի և 2 գոլային փոխանցման հեղինակ:
