Թուրինի «Յուվենտուսը» նախատեսում է նոր պայմանագիր կնքել պաշտպան Մատիա Դե Շիլյոյի հետ։ Այս մասին Twitter-ում հայտնել է լրագրող Նիկոլո Շիրան։

Աղբյուրի տեղեկություններով՝ մոտ օրերս իտալական ակումբի ներկայացուցիչներն ու ֆուտբոլիստը կքննարկեն նոր պայմանագրի կետերը: 29-ամյա Դե Շիլյոն պայմանագիր կկնքի մինչև 2025 թվականը։

Դե Շիլյոյի գործող պայմանագիրը ակումբի հետ ավարտվում է այս մրցաշրջանի վերջում: Իտալացի ֆուտբոլիստի շուկայական արժեքը Transfermarkt-ի տվյալներով կազմում է 6 միլիոն եվրո: