Իսպանիայի հավաքականի գլխավոր մարզիչ Լուիս Էնրիկեն պատասխանել է իր ապագայի վերաբերյալ հարցին:
«Դեռ չեմ որոշել՝ կշարունակե՞մ աշխատել հավաքականի հետ աշխարհի առաջնությունից հետո։ Բայց ո՞րն է պայմանագրի իմաստը, եթե մենք չհասնենք աշխարհի առաջնության մեր նպատակներին: Ոչ մի իմաստ չի լինի: Այնպես որ, կտեսնենք մրցաշարից հետո:
Այս աշխատանքի շնորհիվ ես երջանիկ եմ։ Ձեր՝ լրագրողների պատճառով չերկարաձգեցի պայմանագիրս: Եթե մրցաշարում ձախողվենք, ստիպված չեք լինի ինձ խնդրել հեռանալու մասին, ես ինքս կհեռանամ»,- Էնրիկեի խոսքերն է մեջբերում As-ը:
Հիշեցնենք, որ «Կարմիր ֆուրիան» դուրս է եկել Քաթարում կայանալիք աշխարհի առաջնության եզրափակիչ փուլ՝ իր ընտրական խմբում գրավելով 1-ին տեղը։
