Հարձակվող Պաուլո Դիբալան ամռանը կհեռանա «Յուվենտուսից»՝ պայմանագրի ժամկետի լրանալուց հետո:

Նրա հետ պայմանագիր կնքելու հիմնական հավակնորդները համարվում էին «Ինտերը» և Մադրիդի «Ատլետիկոն», սակայն, ըստ ինսայդեր Նիկոլո Սկիրայի, արգենտինացի ֆուտբոլիստի գործակալի հետ կապ են հաստատել նաև «Բարսելոնան» և ՊՍԺ-ն: Մոտ ապագայում կողմերը կարող են հանդիպել՝ հնարավոր գործարքը քննարկելու համար։

Ընթացիկ մրցաշրջանում Դիբալան բոլոր մրցաշարերում «Յուվենտուսի» կազմում անցկացրել է 29 հանդիպում՝ դառնալով 13 գոլի և 6 գոլային փոխանցման հեղինակ։