Մադրիդի «Ռեալը» հետաքրքրված է «Այաքսի» պաշտպան Նուսաիր Մազրաուիի ծառայություններով, հայտնում է Marca-ն։
Ավելի վաղ նշվում էր, որ մարոկկացի ֆուտբոլիստին ցանկանում են ձեռք բերել «Բարսելոնան», «Բավարիան» և Դորտմունդի «Բորուսիան»: Կատալոնացիները, իբրև, արդեն համաձայնեցրել էին պաշտպանի հետ պայմանագիրը, սակայն ինքը՝ խաղացողը, հերքել էր այս տեղեկությունը։
2021/22 մրցաշրջանում Մազրաուին «Այաքսի» կազմում անցկացրել է 30 հանդիպում՝ դառնալով 5 գոլի և 4 գոլային փոխանցման հեղինակ։ 24-ամյա ֆուտբոլիստի պայմանագիրը հոլանդական ակումբի հետ ուժի մեջ է մինչև 2022 թվականի հունիսի 30-ը։
