«Ինտերի» մարզական տնօրեն Բեպպե Մարոտան կտրականապես հրաժարվել է խոսել հարձակվող Ռոմելու Լուկակուի հնարավոր վերադարձի մասին, ով այժմ խաղում է «Չելսիում», Twitter-ի իր էջում գրել է լրագրող Ֆաբրիցիո Ռոմանոն։
Ավելի վաղ տեղեկություններ կային, որ միլանյան ակումբ տեղափոխվելու համար ֆուտբոլիստը պատրաստ է կրճատել աշխատավարձը։
Այս պահին հարձակվողը «Չելսիում» վաստակում է 12,5 միլիոն եվրո։
«Ինտերը» պատրաստ է նրան վճարել ոչ ավելի, քան 7,5 միլիոն եվրո գումարած բոնուսներ։
28-ամյա բելգիացին միլանցիների կազմում հանդես է եկել 2019-ից 2021 թվականներին։
Լուկակուն ընթացիկ մրցաշրջանում անցկացրել է 32 խաղ՝ դառնալով 11 գոլի և 2 գոլային փոխանցման հեղինակ։
Portal Transfermarkt-ը ֆուտբոլիստին գնահատում է 100 միլիոն եվրո:
